Tuesday, September 02, 2008

സ്നേഹം

സ്നേഹം ശിക്ഷ പോലെയാണ്‌. പ്രഹരമേറ്റ്‌ പുളയുമ്പോഴും വീണ്ടും അനുഭവിക്കാന്‍ തോന്നും.
സ്നേഹം വിഷം പോലെയാണ്‌. എത്ര കയ്ച്ചാലും തിരുമധുരം പോലെ വീണ്ടും കഴിക്കാന്‍ തോന്നും.
സ്നേഹം ആര്‍ത്തലച്ചു വരുന്ന മഴ പോലെയാണ്‌. അതില്‍ നനഞ്ഞു നനഞ്ഞു അലിഞ്ഞില്ലാതാകാന്‍ കൊതിക്കും.
സ്നേഹം ഭ്രാന്ത്‌ പോലെയാണ്‌. ഞാന്‍ ഒരു ഭ്രാന്തിയും.

മുഴുവട്ടാക്കല്ലേ ഈശ്വരാ.. :)

അച്ചുവിന്റെ ചേച്ചി

അച്ചുവിന്റെ ചേച്ചിയുടെ കല്യാണം കഴിഞ്ഞു. പത്തിലെ പരീക്ഷ കഴിഞ്ഞ്‌ രണ്ടാമത്തെ ആഴ്ച ആയിരുന്നു കെട്ട്‌.ഒരു കൂലിപ്പണിക്കാരനത്രെ പയ്യന്‍.അങ്ങനെ പതിനഞ്ചാം വയസ്സില്‍ അവളും ഒരു അമ്മ ആകാന്‍ പോകുന്നു. ഒരു വിധത്തില്‍ പറഞ്ഞാല്‍ അവളുടെ അമ്മയുടെ വഴിയെക്കാളും ഭേദം.
ജീവിതം മുന്നോട്ട്‌ കുറേ ഏറെയുണ്ട്‌.അതവള്‍ക്ക്‌ നന്മകള്‍ മാത്രം നല്‍കട്ടെ...